М.Әуезов атындағы шағын орталықты тірек мектебі (ресурстық орталығы) КММ2003 жылғы зілзала апатынан кейін мектеп жаңа заманға сай соғылды. Бұл мектептің жаңа 250 орындық болып соғылуына себепкер «Қазмұнайгаз» компаниясы болды. Мектепте 1 асхана, спорттық кешендер, кітапхана, интернет жүйесіне қосылған компьютерлік орталық, дәрігерлік амбулатория, бүгінгі заман талабына сай жабдықталған сынып бөлмелері оқушылардың игілігіне жұмыс істейді. Жиырма бірінші ғасырдың алғашқы жылдарын жаңарумен бастаған М.Әуезов атындағы орта мектебі ұлттық педагогика мен төл мәдениетіміздің, ғылымның дамуына, әрі Қазақстан Республикасы Президенті талап етіп отырған «бәсекеге қабілетті мемлекет, бәсекеге қабілетті экономика, бәсекеге қабілетті ұлт» қалыптастыруға сүбелі үлес қоса алатын оқушылар даярлауда. |
Мектеп директоры
Сарсенова Мадина Шералиевна- 2006 жылдың 15 желтоқсанынан бері директордың оқу ісі жөніндегі орынбасары. Өзінің еңбек жолын осы мектепте 1994 жылдан бері орыс тілі және әдебиеті пәнінің мұғалімі болып бастаған. Қазіргі таңда бірінші санатты мұғалім , Облыстық педагог кадрлардың білімін жетілдіру және қайта даярлау институтының мақтау қағаздарымен марапатталған. 2011-2012 оқу жылында орыс тілі және әдебиеті пәні бойынша мұғалімдер арасындағы олимпиадада Бас жүлдені жеңіп алып, облыстық олимпиадаға жолдама алды. |
|